ފަހަކަށް އައިސް މިހާރު ރާއްޖޭގެ ބައެއް އަންހެން ކުދިން ކައިވެނި ކުރުމަށްފަހު ފިރިމީހާދެކެ ލޯބިވާވަރު ހާމަކޮށްދިނުމުގެ ގޮތުން އަންހެންކުއްޖާގެ ބައްޕަގެ ނަމުގެ ބަދަލުގައި ފިރިމީގެ ނަން ނަމުގެ ފަހަތަށް ލައިގެން ނަންދޭން ފަށައިފިއެވެ. ފޭސްބުކުގަޔާއި އަދި އެހެނިހެން ސޯޝަލް ނެޓްވޯކްތަކުގައި ދިވެހި އަންހެންކުދިންގެ ނަންތައް ފުރިހަމަ ނަމެއްގެ ގޮތުގައި ލިޔެފައި އޮންނަނީ ފިރިމީހާގެ ނަން ނަމުގެ ފަހަތަށް ލައިގެންނެވެ. އަދި އޮސްޓްރޭލިއާ އިގިރޭސީވިލާތުފަދަ ޤައުމުތަކުގެ ފިރިހެންނުންނާއި އިންނަ ދިވެހި އަންހެން ކުދިންގެ ނަންތައް ދަނީ
މިގޮތަށް ބަދަލުވަމުންނެވެ
އިސްލާމްދީން އެންމެ ބޮޑަށް ހިމާޔަތްކޮށް ރައްކާތެރިކުރާ ކަންތައްތަކުގެ ތެރޭގައި އިންސާނާގެ ނަފުސާއި ނަސްލު ހިމާޔަތްކުރުމަށް ބާރުއަޅާ އެހެން މީހަކަށް އެމީހާގެ ނަސްލާއި ނަފުސު ނިސްބަތް ނުކުރެއްވުމަށް ކަނޑައެޅި ހަރާމްކުރައްވާފައިވެއެވެ. އެއީ އަންހެނަކަށްވިޔަސް ފިރިހެނަކަށްވިޔަސް މެއެވެ.އެގޮތުން އިމާމް ބުޚާރީއާއި މުސްލިމް ދެބޭފުޅުންގެ ސައްޚަ ސަނަދާއިއެކު ގެނެސްފައިވާ ހަދީސްގައިވެއެވެ
عَنْ سَعْدِ بن أبي وقَّاصٍ رضي اللَّه عَنْهُ أنَّ النبيَّ صَلّى اللهُ عَلَيْهِ وسَلَّم قالَ : مَن ادَّعَى إلى غَيْرِ أبِيهِ وَهُوَ يَعْلَمُ أنَّهُ غَيْرُ أبِيهِ فَالجَنَّةُ عَلَيهِ حَرامٌ » . متفقٌ عليهِ
މާތް الله ރުއްސުންލެއްވި سَعْدِ بن أبُو وقَّاص ގެ ކިބައިން ރިވާވެގެންވެއެވަމަކަށަވަރުން نبي صَلّى اللهُ عَلَيْهِ وسَلَّم حديث ކުރެއްވިއެވެ. މީހަކު އޭނާގެ ބައްޕަ ނޫން އެހެން މީހަކަށް ނިސްބަތްކޮށްފިނަމަ އަދި އެހިނދު އެމީހަކީ އޭނާގެ ބައްޕަ ނޫންކަން އެނގިހުރެއްޖެނަމަ ފަހެ އޭނާގެ މައްޗަށް ސުވަރުގެ حرام ވެގެންވެއެވެ
عن أبي هُريْرَة رضي اللَّه عنْهُ عَن النَّبيِّ صَلّى اللهُ عَلَيْهِ وسَلَّم قَالَ : « لا تَرْغَبُوا عَنْ آبَائِكُمْ ، فَمَنْ رَغِبَ عَنْ أبيهِ فَهُوَ كُفْرٌ » متفقٌ عليه
މާތް الله ރުއްސުންލެއްވި أبُو هُريْرَة، نبي صَلّى اللهُ عَلَيْهِ وسَلَّم ގެ އަރިހުން ރިވާކުރެއްވިއެވެ. އެކަލޭގެފާނު حديث ކުރެއްވިއެވެ.ތިޔަބައިމީހުން ބައްޕައާއި ގުޅުން ނުކަޑާށެވެ. ފަހެ އެމީހެއްގެ ބައްޕައާއި ގުޅުން ކަނޑައިފިމީހަކީ كفرގެ عملއެއް ކުރިމީހެކެވެ
ކޮންމެ ކުއްޖެއްގެވެސް ފުރިހަމަ ނަމުން ކާކުގެ ދަރިއެއްކަން އަންގައިދޭ އެންމެ މުހިއްމު ނިޝާނަކީ ބައްޕަގެ ނަމެވެ. އަދި އެދަރިފުޅުގެ ނަސްލު އޮޅުވާނުލާ ބޮޑުވެގެން ކައިވެނިކުރަނީ ކައިވެނި ހަލާލު މީހަކާއިތޯ ބަލަންވެސް އޮތްހަމައެކަނި މަގަކީ ބައްޕައެވެ. އަންހެންކުއްޖެއްނަމަ ކައިވެނި ކުރުމަށް ވަލީދޭން ޖެހެނީވެސް ބައްޕައެވެ. އެއިންވެސް އެނގޭއެއްޗަކީ ދަރިފުޅާއި ބައްޕަގެ އޮންނަންޖެހޭ ގުޅުމުގެ މުހިއްމުކަމެވެ. ބައްޕަގެ ނަމުގެ ބަދަލުގައި ފިރިމީހާގެ ނަން ލުމަކީ ބައްޕަޔާއި ދަރިފުޅުގެ ގުޅުން ކެނޑޭފަދަ ކަމެކެވެ. ފިރިމީހާ އަނބިމީހާ ވަރިވުމަށްފަހު ގުޅުން ކެނޑުނީއެވެ.އެކަމަކު ބައްޕަޔާއި ދަރިފުޅުގެ ގުޅުމަކީ ކެނޑޭނެ ގުޅުމެއް ނޫނެވެ
عَنْ أبي ذَرٍّ رضي اللَّه عَنْهُ أنَّهُ سَمِعَ رسولَ اللَّه صَلّى اللهُ عَلَيْهِ وسَلَّم يَقُولُ: لَيْسَ منْ رَجُلٍ ادَّعَى لِغَيْر أبيهِ وَهُوَيَعْلَمُهُ إلاَّ كَفَرَ، وَمَنِ ادَّعَى مَا لَيْسَ لهُ، فَلَيْسَ مِنَّا، وَليَتَبوَّأُ مَقْعَدَهُ مِنَ النَّار، وَمَنْ دَعَا رَجُلاً بِالْكُفْرِ، أوْ قالَ: عدُوَّ اللَّه، وَلَيْسَ كَذلكَ إلاَّ حَارَ عَلَيْهِ » متفقٌ عليهِ، وَهَذَا لفْظُ روايةِ مُسْلِمِ
މާތް الله ރުއްސުންލެއްވި أأبُو ذَرّ ގެ ކިބައިން ރިވާވެގެންވެއެވެ. ހަމަކަށަވަރުން އެ صحابي نبي صَلّى اللهُ عَلَيْهِ وسَلَّم حديث ކުރައްވަނިކޮށް އަޑުއެއްސެވިއެވެ.އެކަލޭގެފާނު حديث ކުރެއްވިއެވެ.މީހަކު އެގިހުރެގެން އެމީހާގެ ބައްޕަ ނޫން އެހެން މީހަކަށް އެމީހަކު ނިސްބަތްކޮށްފިނަމަ ކުފުރު ވެއްޖެއެވެ. އަދި މީހަކު حق ނޫން دعوى އެއްކޮށްފިނަމަ އެމީހަކު ފަހެ ތިމަންމެންގެ ތެރެއިން ނުވެއެވެ. އަދި އެމީހެއްގެ ޖާގަ ނަރަކައިން ހޯދައިގަތުން ހުއްޓެވެ. އަދި މީހަކު އެހެންމީހަކަށް ކާފިރކޭ ބުނެފިނަމަ ނުވަތަ عدُوَّ اللَّه ބުނެފިނަމަ އެމީހާ އެކަމުގެ އަހުލުވެރިއަކަށްނުވާނަމަ އެކަލިމަތައް އެބުނިމީހާ ގެ މައްޗަށް އެނބުރި އަންނަ ހުއްޓެވެ
އަނބިމީހާގެ ނަމުގެ ފަހަތަށް ފިރިމީހާގެނަން ޖަހައިގެން އުޅެނީ ކްރިސްޓިއަނުންނާއި ހިންދީމީހުންނެވެ. އެފަދަ އެހެންދީންތަކުގެ މީހުން ތަބަޢަނުވުމަށް އެމީހުންގެ އާދަކާދަތަށް ތަޝްބީހު ނުކުރުމަށް ރަސޫލާ އަންގަވާފައިވެއެވެ
ދިވެހިންގެ ތެރެއިން މިގޮތަށް ނަންބަދަލުކޮށްގެން އުޅޭ ހުރިހާމީހުންވެސް އެކަން އިސްލާޙުކުރުމަށް ގޮވާލަމެވެ
